اسلام آباد:اسکالرشپس کا شکریہ نہیں، صرف یہ چاہتے ہیں کہ طلبا انتشار سے دور رہیں: مریم نواز

فاسٹ اسلام آباد میں ہونہار اسکالرشپس پروگرام کے تحت چیک تقسیم کرنے کی تقریب میں خطاب کرتے ہوئے کہا کہ اسکالرشپس دینے کے بدلے میں شکریہ نہیں صرف یہ چاہتی ہوں کہ طلبہ انتشار سے دور رہیں۔

انہوں نے کہا کہ ’ کوئی ماں نہیں چاہتی کہ اس کا بچہ توڑ پھوڑ ،جلاؤ گھیراؤ اور گالم گلوچ کرے، کوئی بھی بھڑکائے نوجوانوں نے ملک کےخلاف کوئی قدم نہیں اٹھانا، گالم گلوچ اور الزام تراشی سکھانے والا طلبہ کا ہمدرد نہیں ہوسکتا۔‘

وزیراعلیٰ پنجاب کا کہنا تھا کہ’ انہیں صرف سیاسی مخالفت کی وجہ سے کردار کشی کا سامنا  ہے، وہ مخالفین کی مشکور ہیں جنہوں نے انہیں نے مضبوط بنایا ہے‘۔