اے این ایف کی کارروائی، تعلیمی اداروں کے طلباکو منشیات بیچنے والوں سمیت11ملزمان گرفتار
اینٹی نارکوٹکس فورس اے این ایف نے مختلف کارروائیوں کے دوران بھاری مقدار میں منشیات برآمد کر کے 11 ملزمان گرفتار کر لئے۔ترجمان اے این ایف کے مطابق 13 مختلف مقامات پر کارروائیاں کی گئیں جن میں ملتان، فیصل آباد، سیالکوٹ، اسلام آباد، لاہور، کراچی، چاغی، تراکئی، شیخوپورہ اور جامشورو شامل ہیں۔حکام کے مطابق کارروائیوں میں 63.83 کلو گرام منشیات برآمد کی گئی، جس میں5 کلو 930 گرام چرس، 6 کلو 10 گرام آئس، 49 کلو 400 گرام افیون، 4 کلو 40 گرام ہیروئن، 850 گرام ویڈ شامل ہے۔ترجمان اے این ایف کا کہنا ہے کہ گرفتار ملزمان نے تعلیمی اداروں کے طلباکو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔