بچوں کے جھگڑے پر تلخ کلامی؛ ملزمان کا لڑکی کو گھر سے نکال کر تشدد، بال کاٹ دیے
لاہور: بچوں کے جھگڑے پر تلخ کلامی کے بعد ملزمان نے لڑکی کو گھر سے نکال کر تشدد کیا اور اس کے بال کاٹ دیے گئے۔ترجمان سیف سٹیز کے مطابق اہل خانہ کی غیر موجودگی میں بچی کو گھر سے نکال کر اس پر تشدد کرنے والے ملزمان کو گرفتار کرلیا گیا ہے۔ ورچوئل سینٹر فار چائلڈ سیفٹی کی کاوش سے بچی کو والدین کے حوالے کردیا گیا ہے۔15ہیلپ لائن پر کالر نے بتایا کے اس کی غیرموجودگی میں نامعلوم افراد نے ان کی بچی پر تشدد کیا ۔ بچی کو گھر سے باہر لے جا کر اس کے بال کاٹ دیے گئیا ور تشدد کا نشانہ بنایا گیا۔ سیف سٹی میں قائم ورچوئل سنٹر فار چائلڈ سیفٹی نے پولیس کو موقع پر بھجوایا، جہاں بچی کو پولیس نے حفاظتی تحویل میں لیتے ہوئے ملزمان کی تلاش شروع کی۔
